• ԿԻՄԲԻ
• ՎԻՎՈՒՍ
• ԵՐԱՇԽԱՎՈՐՈՒԹՅԱՄԲ ԱՊԱՀՈՎՎԱԾ
• ԳՐԱՎՈՎ ԱՊԱՀՈՎՎԱԾ

• VIVUS.AM` «Գուդկրեդիտ» ՈւՎԿ ՓԲԸ-ի (այսուհետ՝  Ընկերություն) նվազագույն վճարմամբ սպառողական վարկ առանց գրավի և երաշխավորության, որը տրամադրվում է վերլուծությամբ հիմնավորված կայուն եկամուտ ունեցող ՀՀ քաղաքացի հանդիսացող 23–70 տարեկան ֆիզիկական անձանց` կանխիկի կարճատև անբավարարությունը համալրելու նպատակով

• Ո՞վ կարող է դիմել

  Նվազագույն վճարմամբ վարկատեսակը տրամադրվում է կայուն եկամուտ ունեցող 23-70 տարեկան ՀՀ քաղաքացի հանդիսացող ֆիզիկական անձ:

• Վարկի տրամադրման եղանակ

  Կանխիկ կամ անկանխիկ

• Վարկի ձևակերպման վայր

  www.vivus.am կայքի միջոցով, Ընկերության մասնաճյուղ(եր)ում, առևտրի կենտրոններում տեղակայված տաղավարներում: Հասցեներին կարող եք ծանոթանալ այս հղումով՝ https://goo.gl/DrFxbh

• Վարկի ժամկետ

  Վարկը վերադարձնելու ժամկետը սահմանվում է վարկային պայմանագրով և հանդիսանում է անժամկետ (ցպահանջ): Ընկերությունն իրավունք ունի վարկը պահանջել 60 օր առաջ հաճախորդին կատարված ծանուցմամբ` բացառությամբ հաճախորդի կողմից կետանցման դեպքերի:

• Սպառողական վարկ ստանալու համար անհրաժեշտ փաստաթղթերի ցանկ

  • Վարկառուի անձը հաստատող փաստաթուղթ՝ անձնագիր

  • ՀԾՀ կամ նույնականացման քարտ:

• Որոշման կայացման և տեղեկացման առավելագույն ժամկետ

  Առցանց հայտը ներկայացնելուց հետո առավելագույնը 30 րոպեի ընթացքում

• Վարկի տրամադրելու ժամկետ

  Պայմանագիրը կնքելուց հետո առավելագույնը հաջորդ աշխատանքային օրը

• Վարկի նվազագույն գումար

  10,000 ՀՀ դրամ

• Վարկի առավելագույն գումար

  95,000 ՀՀ դրամ

• Տարեկան անվանական տոկոսադրույք

  24%: Տոկոսադրույքը հաստատուն է և վարկային պայմանագրի գործողության ընթացքում դրա փոփոխություն չի նախատեսվում:

• Վարկի սպասարկման վճար

  9-17%-ի չափով սպասարկման վճար, որը հաշվարկվում է Վարկի նվազող մնացորդի նկատմամբ և ենթակա է վճարման 30-օրյա պարբերականությամբ, օգտագործած օրերին համամասնորեն՝ հերթական վճարման ժամանակ: 

  Վարկի սպասարկման վճարի չափը պայմանավորված է տվյալ հաճախորդի ռիսկայնության վերլուծությամբ:  

• Նվազագույն պարտադիր (պարբերական) վճար

  Վճար, որն իր մեջ ներառում է՝

  • վարկի տոկոսագումար, որը հաշվարկվում է անվանական տոկոսադրույքի հիման վրա` վարկի նվազող մնացորդի նկատմամբ,

  • սպասարկման վճար,

  • վարկի մնացորդի 1%-ի չափով գումար (ընդ որում` վարկի մնացորդի 1%-ի չափով գումարի վճարման արդյունքում վարկի մայր գումարի մնացորդը համապատասխանաբար նվազեցվում է):

• Նվազագույն պարտադիր (պարբերական) վճարի վճարման պարբերականություն

  Վճարվում է Առաջին մարման ժամանակահատվածում, ինչպես նաև յուրաքանչյուր հաջորդ 30-րդ օրացուցային օրերին:

• Առաջին վարկ

  Առաջին վարկն Առաջին մարման ժամանակահատվածում հաճախորդն օգտագործում է անվճար. հաճախորդը Վարկի տոկոսագումար և սպասարկման վճար չի վճարում: Առաջին վարկը այն նվազագույն վճարմամբ վարկն է, որից հաճախորդն օգտվում է առաջին անգամ:

• Առաջին մարման ժամանակահատված

  Վարկի տրամադրման օրվա և Նվազագույն պարտադիր (պարբերական) վճարի առաջին վճարման օրվա միջև ընկած ժամանակահատվածը (այսուհետ՝ Առաջին մարման ժամանակահատված) վարկային դիմում ներկայացնելու պահին ընտրվում է հաճախորդի կողմից և կարող է լինել 5–30 օր:

• Վարկի և տոկոսագումարների մարում

  Բացի նվազագույն պարտադիր (պարբերական) վճարներից, վարկի ամբողջական կամ մասնակի մարում կարող է իրականացվել հաճախորդի կողմից՝ իր նախաձեռնությամբ, առանց ժամկետային և գումարային սահմանափակումների: Վարկի մարումը ՀՀ քաղաքացիական օրենսգրքի 880-րդ հոդվածի 1-ին մասի համաձայն իրականացվում է Ընկերության կողմից հաճախորդին այդպիսի պահանջ ներկայացվելու օրվան հաջորդող 60-օրյա ժամկետում՝ բացառությամբ հաճախորդի կողմից կետանցման դեպքերի: 

• Արտոնյալ ժամանակահատված

  Եթե Առաջին մարման ժամանակահատվածում կամ Նվազագույն պարտադիր (պարբերական) վճարի վճարման համար սահմանված հերթական ժամկետում հաճախորդը Վարկի Նվազագույն պարտադիր (պարբերական) վճարը չի վճարում, ապա այդ ժամկետին հաջորդող 3-օրյա ժամկետի (Արտոնյալ ժամանակահատվածի) համար տույժ չի հաշվարկվում:

  Արտոնյալ ժամանակահատվածում հաճախորդի կողմից Նվազագույն պարտադիր (պարբերական) վճարը չվճարելու դեպքում՝

  • այդ ժամանակահատվածին հաջորդող օրվանից ամսական տոկոսագումարը և սպասարկման վճարը համարվում են ժամկետանց (ընդ որում՝ ժամկետանց օրերի հաշվարկի մեջ մտնում են նաև արտոնյալ ժամանակահատվածի օրերը):
  • այդ ժամանակահատվածին հաջորդող 28-րդ օրվանից (եթե մինչև այդ չի վճարել Նվազագույն պարտադիր (պարբերական) վճարը) վարկը համարվում է ժամկետանց:

• Վարկառուի կողմից իր պարտավորությունները ժամանակին չկատարելու դեպքում

  Արտոնյալ ժամանակահատվածում հաճախորդի կողմից Նվազագույն պարտադիր (պարբերական) վճարը չվճարելու դեպքում այդ ժամանակահատվածին հաջորդող

  • օրվանից սկսած ժամկետանց Նվազագույն պարտադիր (պարբերական) վճարի նկատմամբ Վարկատուն իրավունք ունի հաշվարկել օրական տույժ՝ 0.13%-ի չափով.

  • 28-րդ օրվանից սկսած (եթե մինչև այդ չի վճարել Նվազագույն պարտադիր (պարբերական) վճարը) Ընկերությունն իրավունք ունի հաշվարկել նաև օրական տույժ Վարկի մնացորդի նկատմամբ՝ 0.13%-ի չափով յուրաքանչյուր կետանցված օրվա համար և Վարկի սպասարկման վճարի ու տոկոսագումարի հաշվարկը դադարեցվում է:

  Ընդ որում, վարկային պայմանագրով որոշված բոլոր տուժանքների հանրագումարի չափը չի կարող գերազանցել տվյալ պահին առկա պարտքի հիմնական գումարը:

• ԶԳՈւՇԱՑՈւՄ` ՁԵՐ ԿՈՂՄԻՑ ՏՈԿՈՍԱԳՈւՄԱՐՆԵՐԻ ԵՎ ՎԱՐԿԻ ԳՈւՄԱՐԻ ՄԱՐՈւՄՆԵՐԸ ԺԱՄԿԵՏԻՆ ՉՎՃԱՐՎԵԼՈւ ԴԵՊՔՈւՄ ՁԵՐ ՄԱՍԻՆ ՏԵՂԵԿԱՏՎՈւԹՅՈւՆԸ ԿԳՐԱՆՑՎԻ ՎԱՐԿԱՅԻՆ ՌԵԳԻՍՏՐՈւՄ:

• Սպառողական վարկի էական պայմանների ընդհանրական թերթիկ
  

         Թարմացման ամսաթիվ՝ 20.11.2018, 17:03

Ֆինանսական օգնական` www.abcfinance.am